+7 (8452) 28 30 32

+7 (8452) 23 04 38

+7 (8452) 23 77 23

info-sar@mail.ru

Информационно-аналитический портал Саратовской и Вольской Епархии
По благословению Митрополита Саратовского и Вольского Лонгина.
Русская Православная Церковь Московского Патриархата
12+
Святой преподобноисповедник Гавриил Мелекесский память 5 (18) октября
Просмотров: 6741     Комментариев: 0

Святой Гавриил (Игошкин)Преподобный Гавриил, в миру Иван Иванович Игошкин, родился в 1888 году в деревне Самодуровка Сердобского уезда Саратовской губ. в крестьянской семье. Закончил Духовное училище. Его жизненный путь определился уже в детстве: он не увлекался играми подобно своим сверстникам и все свое свободное время старался проводить в храме.

В 15 лет, закончив учебу, поступил послушником в мужской монастырь Жадовская пустынь Симбирской епархии. В 1909 г. призван на военную службу в г. Каунас. Вернулся со службы в 1913 г., жил со своими родителями, но в 1914 г. призван в действующую армию. В 1917 г. был демобилизован по болезни и вернулся к родителям. Служил псаломщиком в храме во имя Рождества Христова.

В 1921 г. архиепископом Уральским и Николаевским Тихоном (Оболенским, †1926) рукоположен в сан диакона к Свято-Троицкой церкви г. Покровск (ныне г. Энгельс Саратовской области), а в 1922 г. — в сан иерея к тому же храму. В 1923 г. архиепископ Тихон, назначенный членом Временного Патриаршего Синода, переехал в Москву и забрал с собой о. Иоанна, который по приезде в Москву был назначен священником Покровского храма Марфо-Мариинской обители.

В 1929 г. в московском Богоявленском монастыре иерей Иоанн Игошкин был пострижен в монашество с именем Гавриил, год спустя возведен в сан игумена. После закрытия Марфо-Мариинской обители служил в храме святителя Николая в Пыжах. 14 апреля 1931 г. игумен Гавриил был арестован и 30 апреля 1931 г. приговорен к трем годам исправительно-трудового лагеря. Срок отбывал в Вишерском ИТЛ. 29 июня 1932 г. досрочно освобожден с запретом проживания в 12 городах. Поселился в г. Ростове Ярославской обл., позже — во Владимире. В декабре 1933 г. вернулся в Москву и служил на том же приходе.

В начале 1934 г. архиепископом Дмитровским Питиримом (Крыловым, † не ранее 1937) возведен в сан архимандрита. В июле 1934 г. в связи с захватом храма Николы в Пыжах обновленцами перешел на служение в храм Воскресения Христова в Кадашах. Избран кандидатом на епископство. 19 августа 1934 г. арестован, обвинялся в тайных пострижениях в монашество, но 3 октября того же года освобожден. В связи с захватом Воскресенского храма обновленцами перешел на служение в Покровскую церковь с. Звягино Пушкинского р-на Московской обл.

Прихожане тех московских храмов, где он служил, весьма почитали св. Гавриила, веря в силу его молитв и его заступничество пред Богом. После того, как местные комсомольцы сожгли Покровскую церковь, св. Гавриил перешел на служение в храм во имя Сошествия Святого Духа в г. Пушкино. 4 ноября 1936 г. во время праздничного богослужения он был арестован и по этапу препровожден в Ухто-Печерские лагеря НКВД. Освобожден в середине 1942 г. и уехал к сестре в Пензенскую область.

Лагерный режим сильно подорвал здоровье старца, и несколько лет он проживал у двух глубоковерующих старушек в деревне Базарный Урень Ульяновской области, не совершая храмового служения. Только в 1946 г. он получил назначение в храм во имя иконы Божией Матери «Неопалимой Купины» в Ульяновске, но не получил прописки как «враг народа», поэтому был переведен в Никольскую церковь г. Мелекесса (ныне г. Димитровград) Ульяновской области.

Икона святого преподобноисповедника Гавриила Мелекесского8 июля 1949 г. по доносу церковного регента св. Гавриил был снова арестован и приговорен к 10 годам лагерей с конфискацией имущества. Скорбящим прихожанам он пророчески сказал, что это его последний суд. По прибытии в лагерь он приветствовал своих соузников словами «Мир вам!» и сразу же встал на молитву. Он продолжал совершать богослужения и в лагере, за что перенес немало издевательств над собой: его избивали, выводили на мороз босиком, пытались отравить. Но благодатью Божией святому Гавриилу удалось поистине умирить и заключенных, и надзирателей лагеря. Особенно его почитал начальник лагеря, жена которого получила исцеление по молитвам святого.

В 1954 г. он подал заявление в Верховный Суд СССР о пересмотре его дела и в 1955 г. постановлением Президиума Верховного Суда СССР он был освобожден из-под стражи и полностью реабилитирован. Ему вернули конфискованный его дом в Мелекессе, где он и жил до самой смерти, окормляя сотни своих духовных чад, благотворя неимущим, давая всем просящим духовные наставления. Господь призвал архимандрита Гавриила в Небесные обители 18 октября 1959 г. Исповедник был прославлен от Господа даром прозорливости и чудотворений, его еще при жизни почитали святым. 20 августа 2000 года, по завершении Юбилейного Архиерейского Собора Русской Православной Церкви, архимандрит Гавриил (Игошкин) был причислен к лику святых для общецерковного почитания в Соборе новомучеников и исповедников Российских, а 18 октября 2000 г. были обретены его святые мощи, почивающие ныне в Никольском соборе г. Димитровграда.

{mospagebreak heading=Святой преподобноисповедник Гавриил Мелекесский память 5 (18) октября&title=Акафист святому преподобноисповеднику Гавриилу}

При подготовке материала были использованы:

  1. Л. Куликова. Святой Гавриил Мелекесский. // «Вчера и завтра». 20 февраля 2001 г.
  2. Материалы из архива Людмилы Куликовой (г. Димитровград).
  3. И. И. Осипова. «Сквозь огнь мучений и воду слёз…» М.: «Серебряные нити», 1998. С. 286.

Акафист святому преподобноисповеднику
Гавриилу архимандриту, Мелекесскому

Кондак 1

Избранный подвижниче и истинный пастырю Церкве Русския, изрядный угодниче и твердый исповедниче Христов, богоблаженне отче наш Гаврииле! Почитаем тя любовию и похвальная восписуем ти: ты бо в заточении неотступно пребыл еси верен Христу, в скорбех, тесноте и гонениих благодаривый Бога. Не престай молитися, поминая чад твоих, да спасет Господь взывающих и поющих ти: Радуйся, отче наш Гаврииле, теплый молитвенниче о душах наших.

Икос 1

Ангельскому житию поревновавый, от юности чистоту и верность Христу Богу сохранил еси, Господеви жизнию своею послужити желая, вся земная и временная оставил еси, да приобрящеши богатство неиждиваемое. Сего ради и зовем тебе сице:
Радуйся, родителей благочестивых чадо богоизбранное.
Радуйся, измлада ангельскими нравы украшенный.
Радуйся, чистое житие от юности возлюбивый.
Радуйся, в богомыслии отрочество твое проводивый.
Радуйся, от лет юных сердце твое к подвижничеству склонивый.
Радуйся, издетска к молитве и послушанию прилежавый.
Радуйся, еще во отрочестве к иноческому житию устремивыйся.
Радуйся, волею своею воли Божией покоривыйся.
Радуйся, отче наш Гаврииле, теплый молитвенниче о душах наших.

Кондак 2

Видя Церковь Русскую раздираему, яко ризу Христову, от безбожных и злых, не убоялся еси, отче Гаврииле, но желая, аще ти есть душу свою за веру положити, во всем последовати Христу, темже и дарова тя Господь пастыря верна и кротка, да упасеши овцы Его. Мы же с благодарностию взываем Богу: Аллилуиа.

Икос 2

Разумом ти Свыше данным, богомудре Гаврииле, о душах чад Христовых усердное попечение имевый, темже убо ограждая их от ереси и раскола, поученьми твоими веру истинную в сердцах их насаждал еси. Мы же, ведуще тя о спасении нас тако пекущася, с любовию вопием ти:
Радуйся, яко ярость богоборцев ни во чтоже вменил еси.
Радуйся, яко Церкви Божией послужити не убоялся еси.
Радуйся, пастырю, Свыше умудренный.
Радуйся, благодатию Божиею просвещенный.
Радуйся, веры истинныя ревнителю.
Радуйся, христианскаго благочестия рачителю.
Радуйся, кротостию украшенный.
Радуйся, смирением обогащенный.
Радуйся, отче наш Гаврииле, теплый молитвенниче о душах наших.

Кондак 3

Сила Божия подается с верою призывающим имя Его, тя же Господь сподоби в годину тяжкую чин ангельский прияти, крепостию Божиею именова, темже воздвигнув тя воистину воина верна Церкве Христовы. Ты же, прияв божественную благодать возблагодать, вопияше Богу: Аллилуиа.

Икос 3

Имеяй велию ревность в исполнении устава церковнаго, службу в храме благоговейно со слезами совершал еси, такожде и глаголы Божия неустанно проповедуяй, зело усердно пастырски подвизался еси, самоотверженно Богу и людям служа. Темже и мы, горение твое по Бозе видевше, поем ти таковая:
Радуйся, чистоты ангельския исполненный человече.
Радуйся, неустанный словес Божиих проповедниче.
Радуйся, Церкве Христовы воине доблий.
Радуйся, рабе благий и верный.
Радуйся, апостольских преданий хранителю.
Радуйся, церковнаго устава блюстителю.
Радуйся, Православия исповедниче непреложный.
Радуйся, Господа Вышняго служителю благоговейный.
Радуйся, отче наш Гаврииле, теплый молитвенниче о душах наших.

Кондак 4

Буря ярости и гонений, обрушившаяся на Церковь Русскую, поглоти в пучину лютыя скорби верныя люди Божия: мнози бо архиереи и священницы в заточении томяхуся, ты же, о тех печаляся, любвеобильный отче, со духовными чады твоими, христианския любве исполненными, втайне приношения собираяй, в темницу посылал еси. Мы же, истинное твое братолюбие ублажающе, взываем Богу: Аллилуиа.

Икос 4

Слышаще безбожницы о тебе, яко пастырь почитаемый еси, и лжесвидетельствующе, наведоша на тя чреду гонений на долгия годы. Ты же, помышляя, яко сие есть в любви и вере Божией тебе испытание, со смирением неложным приял еси крест твой, радуяся, яко Господь сподоби тя пострадати и потерпети вся скорби, выпавшия Православным. Темже, мужество твое славяще, величаем тя словесы таковыми:
Радуйся, пастырю благий и любвеобильный.
Радуйся, милости и сострадания к страждущим исполненный.
Радуйся, христианскаго милосердия верный учителю.
Радуйся, неисчерпаемый в любви тайноделателю.
Радуйся, верный рабе, Христу последовавый.
Радуйся, крест Его на ся вземый.
Радуйся, клеветы со смирением приявый.
Радуйся, поношения с кротостию терпевый.
Радуйся, отче наш Гаврииле, теплый молитвенниче о душах наших.

Кондак 5

Божественныя милости исполненный, предивный отче Гаврииле, аки верный пастырь Христовы Церкве, и в заточении твое служение не оставил еси, обаче и в тяжких испытаниих не престал еси помогати ближним твоим, просвещаяй вся светом веры Православныя. Мы же, любовию твоею согреваемии, благодарне вопием Богу: Аллилуиа.

Икос 5

Видевше в заточении пребывающии еже по Бозе житие твое, преподобне, не токмо людие верующии к тебе стекахуся, помощи молитвенныя просяще, но и разбойницы, по злым делом своим осужденнии, познаху тя отца, любовию преисполненнаго. Темже, воистину тя пастыря добра почитающе, приносим ти таковая:
Радуйся, пастырскаго долга непоколебимый исполнителю.
Радуйся, мира Божия благосклонный подателю.
Радуйся, Божия благодати дивный таинниче.
Радуйся, обремененных и озлобленных скорый поборниче.
Радуйся, скорбящим велие утешение подаваяй.
Радуйся, незлобием твоим тяжкосердых умягчаяй.
Радуйся, и в заточении паству твою молитвою не оставивый.
Радуйся, милосердный отче, о чадех твоих сердцем горевый.
Радуйся, отче наш Гаврииле, теплый молитвенниче о душах наших.

Кондак 6

Проповедь веры христианския явися само житие твое, досточудне Гаврииле, егоже не могуще терпети, богоборцы, не взирающе на седины твоя и болезни, всякая прещения тебе творяху, ты же, святый отче, вся страдания безропотно и мужественно претерпеваяй, в благий Промысл Божий непоколебимо верил еси, взывая к Тому: Аллилуиа.

Икос 6

Возсиял еси Божиею благодатию, юже стяжа, преподобне, за всецелое себе отречение ближняго твоего ради, темже и прослави тя Господь дары Духа Святаго, иже суть болезней исцеление и судеб Божиих тайновидение, имиже во славу Господа потрудился еси. Мы же, дивящеся таковому о тебе Божию произволению, прилежно вопием тебе сице:
Радуйся, светильниче веры, горяй и светяй.
Радуйся, стамно Божия благодати.
Радуйся, дары Духа Святаго обогащенный.
Радуйся, сострадания к ближнему источниче преистекаемый.
Радуйся, в немощи твоей тяжкия труды понесый.
Радуйся, лютый мраз, биения и поругания терпевый.
Радуйся, смертное испив, по глаголу Божию, неврежден бывый.
Радуйся, за враги твоя по заповеди Христовой моливыйся.
Радуйся, отче наш Гаврииле, теплый молитвенниче о душах наших.

Кондак 7

Хотя всем сердцем твоим, блаженне Гаврииле, единому Господу работати, себе ни во чтоже вменил еси, труды к трудом в дусе кротости и смирения прилагая, постом и бдением плоть свою умерщвляя, дерзновение в молитве стяжал еси, всех призывая верно славити Бога, в Троице Единаго, и воспевати Ему: Аллилуиа.

Икос 7

Новаго показа тя Господь заступника и молитвенника о нас, грешных, яко помощию безмерною и любовию неисчерпаемою многия упасл еси ко спасению. Мы же, чтуще святую память твою, со умилением взываем ти:
Радуйся, жизнию монашескою усердно подвизавыйся.
Радуйся, на ниве Христовой изрядно потрудивыйся.
Радуйся, всецелое послушание архипастырем твоим имевый.
Радуйся, постом и бдением плоть твою изнуривый.
Радуйся, отче чадолюбивый, о детех твоих тепле моливыйся.
Радуйся, о ближних твоих прилежно пекийся.
Радуйся, винограда Христова верный делателю.
Радуйся, и за ны пред Богом усердный ходатаю.
Радуйся, отче наш Гаврииле, теплый молитвенниче о душах наших.

Кондак 8

Странник быв и бездомен, из заточения в весь свою явился еси, блаженне, не имеяй где главу приклонити, во всем уподобивыйся Христу, якоже друзи и искреннии твои далече от тебе сташа и бояхуся убо к себе прияти, ложно тя врага народа именующе. Но верен Бог любящим Его, ибо не остави тя, и Тому поем: Аллилуиа.

Икос 8

Всем был еси вся, да многия ко Христу приведеши, и вся чада твоя, светом веры, надежды и любве твоея озаряемии, стекахуся к тебе, досточудне Гаврииле, со всея страны нашея. Ты же, яко чадолюбивый отец, недуги своя превозмогая, без устали днем и нощию двери твоея души страждущим отверзал еси. Мы же ти, яко благодетелю, с любовию тепле вопием таковая:
Радуйся, многи скорби, болезни и нужды Христа ради понесый.
Радуйся, странничеством твоим Христу уподобивыйся.
Радуйся, неисчерпаемый кладезю веры, надежды и любве.
Радуйся, яко сердце твое уподобися неопалимей купине.
Радуйся, о сирых и убогих с любовию попечение имевый.
Радуйся, бедных вдовиц в нуждах их заступавый.
Радуйся, в бедах и напастех помощи скорый подателю.
Радуйся, и о всех притекающих к тебе верный предстателю.
Радуйся, отче наш Гаврииле, теплый молитвенниче о душах наших.

Кондак 9

Всякия скорби, болезни и труды в жизни твоей непоколебимо претерпел еси, в сердце твоем Единаго Господа имеяй, темже мирныя, блаженныя и христианския кончины от Бога сподобивыйся, странствие земное совершил еси и в Горния обители вселился еси, вознося песнь Богу: Аллилуиа.

Икос 9

Витиям многовещанным не довлеет словес, во еже изрещи всю скорбь, еюже исполнися сердца верных, с любовию к честным останком твоим стекающихся, и со слезами ко гробу твоему припадающих, и поминающих тя словесы таковыми:
Радуйся, крине, мира Христова благоухания исполненный.
Радуйся, светильниче лучезарный, божественным елеем наполненный.
Радуйся, лозо неувядаемая, мног плод принесшая.
Радуйся, кадильнице златая, фимиам молитвы к Богу вознесшая.
Радуйся, адаманте, крепость в терпении нам показавый.
Радуйся, каменю, образ твердости в вере нам явивый.
Радуйся, столпе непоколебимый Церкве Православныя.
Радуйся, светлая заре незаходимаго Солнца правды.
Радуйся, отче наш Гаврииле, теплый молитвенниче о душах наших.

Кондак 10

Спасение души твоея от Бога улучивый, предивне Гаврииле, в радость Господа вшел еси, и ныне, венцем нетленным увенчавыйся, со Ангелы ликуеши, взирая на Всецаря Творца; Того моли, да сподобит Господь и нас купно с тобою воспевати Ему: Аллилуиа.

Икос 10

Стена быв при жизни всем приходящим к тебе, такожде и по смерти ны не оставлявши твоим заступлением; духом ныне пребываяй у Престола Вышняго, за всех с верою и любовию тебе молящихся тепле предстательствуеши и помощь неоскудную подаеши. Тебе бо, яко мощному заступнику о душах наших, благодарственно поем сицевая:
Радуйся, от лет ранних Бога всем сердцем возлюбивый.
Радуйся, верен Тому до конца дний твоих пребывый.
Радуйся, жизнию твоею безраздельно Господеви послуживый.
Радуйся, темже Царствие Небесное себе унаследовавый.
Радуйся, всех к тебе прибегающих скорый услышателю.
Радуйся, о всех тебе с верою молящихся прилежный попечителю.
Радуйся, помощниче всем в бедах и напастех сущим.
Радуйся, целителю душею и телом болезнующих.
Радуйся, отче наш Гаврииле, теплый молитвенниче о душах наших.

Кондак 11

Песнь благодарственную восписуют людие Православнии, радующеся о толиком благодеянии Божием, яко Церковь Русская ныне украсися сонмом новых мучеников и исповедников Российских, с нимиже и ты, отче Гаврииле, вкупе веселяся в чертозех райских, воспеваеши Богу: Аллилуиа.

Икос 11

Свет велий веры христианския силищася сатана затмити, седмьдесят лет мучаше и убиваше люд Православный, темже убо сотворь невиданное доселе воинство Христу Богу нашему, Имже и посрамлен бысть. Тебе же, отче Гаврииле, яко верному ратнику воинства сего, воспеваем сице:
Радуйся, прещений нечестивыя власти не убоявыйся.
Радуйся, в роде сем Господа исповедати не постыдивыйся.
Радуйся, иго Христово на рамена своя вземый.
Радуйся, вслед Господа тесными враты ходивый.
Радуйся, вместо сладости земныя терния избравый.
Радуйся, ныне же нетленным венцем от Бога украсивыйся.
Радуйся, яко Христа ради и Евангелия себе отверглся еси.
Радуйся, яко нищетою духовною богатство неиждиваемое стяжал еси.
Радуйся, отче наш Гаврииле, теплый молитвенниче о душах наших.

Кондак 12

Благодать Божия, еюже излияся море чудес от честных мощей твоих, предивне Гаврииле, днесь собра вся верныя, с благоговением и любовию чтущия святую память твою и молящия ти: не остави нас и ныне предстательством твоим, обидимыя заступи, болящия исцели, в беду впавшия свободи и всех нас сохрани молитвами твоими, да выну поем Богу: Аллилуиа.

Икос 12

Поюще песнь благодарения Всещедрому и Человеколюбцу Богу, прославльшему тя, яко вернаго исповедника Церкве Русския, ублажаем болезни и труды твоя, имиже во славу Божию поработал еси, восхваляем подвиги твоя, яже за Христа претерпети сподобился еси, почитаем пастырскую кротость и смирение твое, яко добре упасл еси чада Православная, и воспеваем тя хваленьми сицевыми:
Радуйся, служителю Христов и любимиче Божий.
Радуйся, пастырю благий, смиренный и кроткий.
Радуйся, нуждным и отягощенным неложное вспоможение.
Радуйся, скорбящим и обуреваемым присное утешение.
Радуйся, архимандрите, духовныя овцы добре хранивый.
Радуйся, друже Божий, крест Христов доблестне носивый.
Радуйся, любимаго Господа лик пресветлый видети сподобивыйся.
Радуйся, яко во светлости святых Его ныне пребываеши.
Радуйся, отче наш Гаврииле, теплый молитвенниче о душах наших.

Кондак 13

О преславный и достохвальный исповедниче Христов, преподобне и богоносне отче наш Гаврииле, пастырю кроткий и чадолюбивый! В умилении молебно тебе предстоящих не презри, но твоим предстательством заступи и помози богоугодно течение жизни нашея скончати, Христа Бога верно и небоязненно исповедующе, да ныне и присно с тобою вкупе и всеми святыми поем Ему: Аллилуиа, аллилуиа, аллилуиа.

Сей кондак чтется трижды,
затем 1-й икос и 1-й кондак.

Молитва

О добрый пастырю и доблий воине Христов, скорый помощнике и теплый заступниче, богоблаженный угодниче Божий и Православия твердый исповедниче Гаврииле! Имеяй велие дерзновение пред Престолом Всевышняго, не остави нас молитвами твоими, с любовию и верою к тебе притекающих. Ты бо от лет ранних юности твоея огнь любве Божественныя в сердце твоем ко Господу возжегл еси, жизнь свою всецело Богу посвятивый, наипаче нищету духовную стяжавый, яко раб благий, дела богоугодная кротко и смиренно творил еси, темже и надели тя Господь дары Духа Святаго, имиже и поныне точиши чудеса многая. Молим тя, отче Гаврииле, призри на люди, зде стоящия, и благодатию, ти Свыше данною, уврачуй души наша, грехом изъязвленныя, исцели телеса наша многоболезненная, старость поддержи, вдовиц заступи, сирых и обездоленных окорми, супружество верно сохрани. Нас же вразуми, научи и воспитай чада наша в вере Православной, дабы не уклонятися нам от правыя стези, но, храняще апостольская предания, твердо Христа Бога исповедати. Ей, святче Божий! Умягчи сердца наша, житейскими попеченьми окамененная, и помози нам милосердным быти, во еже, долга христианскаго не забывающе, единому от меньших братий Господа нашего Иисуса Христа милостиво послужити. Дабы, егда явитися Господеви нашему во славе Отца Своего со Ангелы Святыми, в радости услышати глас Его: приидите, благословеннии Отца Моего, наследуйте уготованное вам Царствие от сложения мира. Аминь.

Комментарии:

нет комментариев

ВЫ МОЖЕТЕ ОСТАВИТЬ КОММЕНТАРИЙ:

Отправляя данную форму, я даю согласие на обработку моих персональных данных в соответствии с политикой обработки ПД.